Varroset në Prishtinë gazetarja 32-vjeçare e RTK-së - Bota Sot
Varroset në Prishtinë gazetarja 32-vjeçare e RTK-së

Aktuale

Varroset në Prishtinë gazetarja 32-vjeçare e RTK-së

Më: 22 shtator 2019 Në ora: 17:38
Ardita Sylejmani-Bllaca

Sot në varrezat e qytetit të Prishtinës në lagjen ‘Arbëria’, është varrosur gazetarja Ardita Sylejmani-Bllaca, e cila të enjten e kaluar ndërroi jetë si pasojë e komplikimeve gjatë lindjes.

Shumë qytetarë, familjarë, e kolegë u mblodhën sot për t’i dhënë lamtumirën e fundit, 32-vjeçares Sylejmani-Bllaca.

Në emër të familjes Sylejmani-Bllaca, foli axha i saj, Fehmiu, i cili tha se gazetarja Ardita Sylejmani-Bllaca nuk ishte vetëm e jona, por e të gjithë shikuesve që ndoqën storiet e saj përmes mediumit publik.

“Ardita nuk ishte vetëm e jona, ajo ishte e gjithë folësve shqip, që kanë hapur atë dritare, dhe kanë dëgjuar zërin e saj. Kërkojmë si familje t’ia bëni hallall”, tha ai.

Ardita Sylejmani-Bllaca vdiq në Budapest të Hungarisë. Që nga viti 2010, ajo ka punuar si gazetare në Radio Televizionin e Kosovës. Ishte bashkëshortja e Shpend Bllacës, i punësuar në stafin diplomatik të Kosovës në Hungari. Ajo la pas vetes bashkëshortin dhe tre fëmijë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...