Kandidati i PDK-së për kryeministër të ardhshëm të Kosovës, Kadri Veseli ka takuar sot qindra anëtarë të PDK-së, të cilët që nga themelimi kanë udhëhequr strukturat e Partisë Demokratike nëpër gjitha degët e Kosovës.
Themeluesit dhe gjithë ish-zyrtarët e PDK-së i kanë dhënë mbështetje Veselit në garën për Kryeministër në zgjedhjet e 6 tetorit.
Në takim me ish-zyrtarët e PDK-së, Veseli tha se në 20 vitet e kaluara, PDK ka kaluar peripeci, sakrifica mundime e shumë suksese e krenari.
Veseli: Atdhedashuria dhe demokracia e buruar nga PDK
“Në këto 20 vjet shihet qartë pjekuria, mençuria vizioni, atdhedashuria, qytetaria, demokracia më e thellë të cilën e ka pasur Republika e Kosovës, pikërisht që ka buruar nga Partia Demokratike e Kosovës. Nuk e ka vetëm pjesën historike të sukseseve, dua ta potencoj edhe nga akademiku ynë i nderuar, pjesën e cila ka qenë për të qenë luftëtarë të lirisë, për ta marrë për ballë transformimin... Gradualisht, por kurrë çka do që ndodhë nuk e humb besimin për kombin, vendin, por vazhdon me punuar fuqishëm, po flas për periudhë e PDK-së, e cila ka qenë nga viti 1999 deri në vitin 2007. Pastaj, pas 2007, gjithë e dimë vendimmarrjet ët cilat janë më qenësore, më thlelbësore për zhvillimin tonë si komb i ri, si komb shtetformues, ka ndodhur pikërisht me qeverisjen e Partisë Demokratike të Kosovës”, deklaroi Veseli.
Njëri ndër themeluesit e PDK-së, Arsim Bajrami theksoi se PDK-ja e themeluar para më shumë se 20 vjetëve si një projekt i lënë gjysmë në luftën e Ushtrisë Çlirimtare të Kosovës, si një amanet i pa realizuar pas çlirimit të Kosovës
Bajrami: PDK ka pasur disa misione historike
“Partia Demokratike e Kosovës ka pasur disa misione historike, të cilat duhet t’i realizoj në tri dekadat. Misioni ynë i parë me profesor Kuqin, në momentin kur themeluam PDK diku në orën 15:15, në Hotelin ‘Grand’, ku e lexuam deklaratën themeluese, që ishte një numër rreth 60-70, dhe pastaj morëm si mision që të themelojmë degët në tërë Republikën e Kosovës. Ju që jeni në sallë i keni të gjitha meritat për themelimin PDK-së”, deklaroi Bajrami.
