Profesori dhe eksperti amerikan për politikën dhe çështjet e Ballkanit në Universitetin e Nju Jorkut, Alon Ben-Meir, ka hedhur sërish kritika ndaj kryetarit të Partisë Demokratike të Kosovës Kadri Veseli.
Ky i fundit, po përdor një fotografi të realizuar vite më parë me presidentin amerikan Donald Trump, në fushatën për zgjedhjet e 6 tetorit.
Por, sipas profesorit amerikan, ai që i ka sugjeruar Veselit të përdorë këtë foto me Trumpin, është budalla, përcjell Bota sot.
“Politikani nga Kosova Kadri Veseli, i cili u takua me Trumpin pothuajse 3 vjet më parë, tani është duke u përpjekur të përdorë foton në një fitore zgjedhore për veten e tij.
"Njerëzit e Kosovës e kuptojnë që një Amerikë e fortë do të ndihmojë që Kosova të bëhet më e fortë," tha Veseli.
Kushdo që i sugjeroi Veselit të përdorë këtë foto me Trump është një budalla, pasi Trump nuk i jep kredibilitet kujtdo që e lidh atë me veten e tij:, ka shkruar në një postim në Facebook Alon Ben-Meir./BS
