Lidhja Demokratike e Kosovës përmes një komunikate për media, njofton se ka adresuar tek organet kompetente thyerjen e heshtjes zgjedhore nga një media.
Sipas kësaj partie, gjatë ditës është shpifur ndaj kandidates për kryeministre nga LDK-ja dhe ka favorizuar haptas kandidatë të tjerë.
Kjo parti bënë me dije se një ekip i saj është duke monitoruar zbatueshmërinë e rregullave zgjedhore dhe do të veprojë konform ligjit ndaj çdo shkeljeje të evidentuar.
Ja kumtesa e plotë:
Lidhja Demokratike e Kosovës (LDK) ka adresuar tek organet kompetente thyerjen e heshtjes zgjedhore nga portali veriu.info, i cili përmes shkrimeve, ka shpifur ndaj kandidates për kryeministre nga LDK-ja dhe ka favorizuar haptas kandidatë të tjerë.
LDK-ja njofton se një ekip i saj është duke monitoruar zbatueshmërinë e rregullave zgjedhore dhe do të veprojë konform ligjit ndaj çdo shkeljeje të evidentuar.
Sipas traditës së saj politike, LDK-ja e respekton lirinë e mediave, por kërkon respektimin e rregullave të heshtjes zgjedhore, nga të gjithë dhe pa përjashtim.
Me respekt
Zyra për Informim e LDK-së