LDK-ja fton qytetarët që mos ta shesin votën - Bota Sot
LDK-ja fton qytetarët që mos ta shesin votën

Aktuale

LDK-ja fton qytetarët që mos ta shesin votën

Më: 6 tetor 2019 Në ora: 12:43
Doruntina Maloku, LDK

(E plotësuar) - Lidhja Demokratike e Kosovës bën thirrje për të gjitha institucionet përkatëse që të ushtrojnë kompetencat e tyre në mënyrë që të mundësohen zgjedhje të drejta dhe një proces i mirëfilltë.

Përmes një konference për shtyp, shtabi zgjedhor i LDK-së ka shprehur shqetësimet për disa parregullësi dhe disa shkelje ligjore të cilat kanë ndodhur në disa vendvotime.

Zëdhënësja e shtabit zgjedhor, Doruntina Maloku, ndër tjera tha se LDK-ja ka një bashkëpunim  të shkëlqyer me të gjitha organet e zbatimit të ligjit në mënyrë që të mundësohet një proces i drejtë. Ajo bëri thirrje për të gjitha institucionet që të ushtrojnë kompetencat e tyre.

Maloku: Institucionet të ushtrojnë kompetencat e tyre

“Ne bëjmë thirrje që gjitha institucionet e zbatimit të ligjit të ushtrojnë kompetencat e tyre që të organizohet një proces fer dhe demokratik në të cilin respektohen në përpikmëri vullneti i qytetarëve”, tha Maloku.

Duke i ftuar qytetarët që të ushtrojnë të drejtën e tyre për të votuar , ajo theksoi se qytetarët nuk duhet ta shesin besimin dhe votën e tyre sepse sipas saj duhet të mbrohen vlerat demokratike për të cilat sipas saj kanë luftuar.

Maloku: Mos e shitni besimin

“Lidhja Demokratike e Kosovës iu bën thirrje qytetarëve të Republikës  që të mos ta shesin besimin e tyre, ne kemi luftuar aq shumë për këto vlera të demokracisë dhe iu ftojmë që t’i mbroni ato me çdo kusht”, tha Maloku.

 Ajo bëri të ditur që LDK-ja ka 2843 komisionarë dhe 5870 vëzhgues, të cilët do ta monitorojnë këtë proces.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...