AAK – PSD nuk kanë kërkuar rinumërim të votave - Bota Sot
AAK – PSD nuk kanë kërkuar rinumërim të votave

Aktuale

AAK – PSD nuk kanë kërkuar rinumërim të votave

Më: 8 tetor 2019 Në ora: 13:48
Ramush Haradinaj Shpend Ahmeti

Aleanca për Ardhmërinë e Kosovës dhe Partia Socialdemokrate nuk kanë kërkuar rinumërim të votave. Këtë e bëri të ditur kryetari i AAK-së, Ramush Haradinaj në një konferencë për media.

Haradinaj tha se AAK dhe PSD nuk kanë kërkuar numërim në PZAP, pasi sipas tij, është e padrejtë të dëmtohet një proces i mirë zgjedhor që ishte më 6 tetor.

“Nuk kërkojmë rinumërim as përmbysje të rezultatit. Nëse ndonjë deputet ka vërejte e gëzon të drejtën e tij, por ne nuk kërkojmë. Mendojmë që nuk kemi nevojë për rinumërim, me dëmtu një dite kaq mirë zgjedhore si dita e zgjedhjeve.”, tha Haradinaj.

Tutje kreu i AAK-së theksoi se do ta respektojnë vendimin e sovranit.

“Qytetari nuk na ka dhënë të drejtën me formua qeverinë, ua ka dhënë partive tjera. Ne ju urojmë punë të mbarë atyre”, tha Haradinaj, duke shtuar se subjekti që ai drejton do të vazhdojë si opozitë me qenë besnik ndaj temave të rëndësishme si dialogu pa kushte me Serbinë dhe njohje reciproke në kufijtë ekzistues.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...