Anëtari i Lëvizjes Vetëvendosje në KQZ-së, Adnan Rrustemi ka thënë se partia e tij pas numërimit të votave e ka tejkaluar tashmë rezultatin total të vitit 2017.
Ai ka shkruar në Facebook se “Lëvizja Vetëvendosje!, pa llogaritur ende votat me kusht dhe ato të mërgatës, e ka tejkaluar tashmë rezultatin total të vitit 2017”.
Postimi i plotë:
Përfundoi regjistrimi i rezultateve të të gjitha vendvotimeve. Lëvizja VETËVENDOSJE!, pa llogaritur ende votat me kusht dhe ato të mërgatës, e ka tejkaluar tashmë rezultatin total të vitit 2017.
Deri tani i kemi 203.052 vota, e duke ditur mbështetjen e madhe që Lëvizja ka në mërgatë, një vlerësim konservativ është se do të arrijmë së paku 220.000 vota.
Tashmë distanca jonë prej vendit të dytë është e patejkalueshme, por kjo distancë presim që së paku të dyfishohet pas numërimit të votave me kusht dhe atyre të mërgatës.
Rekord i ri, në të gjitha aspektet!
