Policinë e Kosovës e vizitoi një delegacion nga Policia e Maqedonisë Veriore

Aktuale

Policinë e Kosovës e vizitoi një delegacion nga Policia e Maqedonisë Veriore

Më: 9 tetor 2019 Në ora: 15:56
Pamje nga takimi

Sot, në ambientet e Drejtorisë së Përgjithshme të Policisë së Kosovës në Prishtinë, drejtori i Përgjithshëm i PK-së z. Rashit Qalaj bashkë me stafin e tij priti në takim z. Sasho Tasevski, drejtor i Sigurisë Publike të Maqedonisë së Veriut, i cili po ashtu ishte i shoqëruar nga bashkëpunëtorët e tij.

Takimi i realizuar kishte për qëllim konfirmimin e bashkëpunimit të të dy policive në angazhimet ku përfshihet: bashkëpunimi ndërkufitar, koordinimi i ndërsjellë dhe mbulimi i përbashkët i kufirit midis Republikës së Maqedonisë së Veriut dhe Republikës së Kosovës si dhe shkëmbimi i informacioneve me interes të përbashkët për parandalim të kriminalitetit.

Gjithashtu, gjatë këtij takimi u diskutua edhe lidhur me përgatitjet dhe koordinimin e aktiviteteve të përbashkëta rreth planifikimit të masave për siguri në lidhje me sigurimin e ndeshjes së futbollit midis Republikës së Maqedonisë së Veriut dhe Republikës së Kosovës gjatë 2020-ës, si dhe çështje tjera me interes të përbashkët.

commentFirst article
Sot mund të lexoni Shfletoni kopertinat