Milaim Zeka e konsideron fitoren e opozitës si ditë të çlirimit, ka fjalë të rënda për shokët që qeverisën - Bota Sot
Milaim Zeka e konsideron fitoren e opozitës si ditë të çlirimit, ka fjalë të rënda për shokët që qeverisën

Aktuale

Milaim Zeka e konsideron fitoren e opozitës si ditë të çlirimit, ka fjalë të rënda për shokët që qeverisën

Më: 9 tetor 2019 Në ora: 21:12
Milaim Zeka

Kandidati për kryeministër nga radhët e PEK’ut, Milaim Zeka, është i ftuar sonte në emisionin Pressing Zgjedhor në T7.

Zeka ndër të tjera thotë se i është gëzuar maksimalisht fitores së opozitës dhe se kjo është sikur arritja e lirisë dhe pavarësisë. Ai ka pasur fjalë të rënda për liderët e deritanishëm të Republikës së Kosovës.

“20 vite është ndërtuar një diktatur e egër, një diktatur primitive larg asaj të Enver Hoxhës dhe Fatmir Batallit”, ka thënë Zeka.

“Kemi pasur më shumë demokraci në vitet e 70’ta dhe 80’ta. Ndërsa ish-shokët e mi të luftës ndërtuan një demokraci të Afganistanit e cila ka pasur gjithçka vetëm demokraci jo. Duke ndërtuar grupe të ngushta të interesit kanë kanë arritë të shkatërrojnë çdo por të shtetit”

Tutje Zeka shton se liderët e deritanishëm kanë krijuar një imazh shumë të keq tek ndërkombëtarët.

“Këta arritën deri në atë pikë sa ndërkombëtarët kanë pasur bindje se në Kosovë nuk ka pasur asgjë. As radio, as televizion, as shkollë, as spital, as çerdhe as asgjë. Ata e bindën UNMIK’un, mision për të cilin kam shumë kritika, se me ta gjithçka fillon nga zero. Këta e shkatërruan sistemin shëndetësor. I cili prapë po them se në kohë të Titos e Enver Hoxhës nuk është dashtë të shkohet në Turqi për trajtim ndërsa kur shkonin në Beograd po trajtohen si kafshët”

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...