Kryetari i Lëvizjes Vetëvendosje, Albin Kurti, ka pritur sot në takim ambasadorin zviceran, Jean-Hubert Lebet.
Sipas komunikatës së Lëvizjes Vetëvendosje, ambasadori zviceran, e ka uruar Kurtin për rezultatin zgjedhor dhe për fushatën e tij.
Në fund të takimit, thuhet se të dy janë dakorduar që të ketë kontakte dhe takime bashkëpunuese në të ardhmen.
Komunikata e VV-së:
Kryetari i Lëvizjes, z. Albin Kurti, priti sot në takim ambasadorin zviceran, z. Jean-Hubert Lebet.
Z. Jean Hubert Lebet e uroi kryetarin Kurti për rezultatin zgjedhor dhe për fushatën që adresoi me sukses shqetësimet e qytetarëve.
Kryetari Kurti e njoftoi se prioritet i qeverisë së re do të jetë shtetndërtimi demokratik me sundim të ligjit e luftim të korrupsionit, zhvillimi ekonomik për punësim dhe ndryshimet aq të nevojshme në shëndetësi, arsim, e kujdes për ata që kanë më së shumti nevojë.
Në mbyllje të takimit, u shpreh interesimi për kontakte dhe takime bashkëpunuese në të ardhmen.