Kryetari i Partisë Socialdemokrate, Shpend Ahmeti, është shprehur i zhgënjyer nga rezultati i koalicionit mes subjektit që ai drejton dhe Aleancës për Ardhmërinë e Kosovës në zgjedhjet e parakohshme të 6 tetorit.
Ahmeti ka thënë në emisionin “Pressing”, në televizionin T7, se ka pritur, duke u bazuar në sondazhe, se koalicioni AAK-PSD do të siguronte të paktën 14 për qind të votave, apo 16-17 vende në Kuvendin e Kosovës.
Ai po ashtu ka deklaruar se koalicioni me AAK’në e Ramush Haradinajt i ka kushtuar shumë partisë së tij.
“Kritikën më të madhe si PSD e kemi pasur për koalicionin”, është shprehur Ahmeti.
“S’mund të depërtonim…. Prishtina kishte revoltë kundër PAN’it, s’po them kundër Ramushit”, ka deklaruar Ahmeti.
