Zyrtarja e Vetëvendosjes, Arbërie Nagavci, nëpërmjet një postimi ka deklaruar se nuk është hera e parë që Serbia helmon tinëzisht.
Megjithatë, sipas saj, kjo është arsyeja pse duhet forcuar dhe mbrojtur shtetin e Kosovës, duke vendosur reciprocitet të plotë.
Postimi plotë:
26 zyrtarë të shtetit të helmuar gjatë numërimit të votave të ardhura nga Serbia. Votave që i pranoi KQZ, përderisa refuzoj ato të mërgatës.
Nuk është hera e parë që Serbia helmon tinëzisht, nuk është befaai e as e papritur.
Ja pse duhet pra të forcojmë e mbrojmë shtetin tonë, të vendosim reciprocitet të plotë dhe jo të kemi agjendë të parë marrëveshjen e kompromisin me Serbinë.
Shërim të lehtë e të shpejtë të gjithë zyrtarëve të helmuar!
Vetëdije shtetformuese e pa komplekse të gjithë përfaqësuesve të popullit, analistëve, gazetarëve e gjithë atyre që më shumë janë të shqetësuar se a po arrihet marrëveshja e shpejtë e kompromiset me Serbinë se sa për marrëveshje të drejtë e parimore ku ne shohim interesat e të drejtat e shtetit tonë!
