Sot, kur po mbahet mbledhja e Asamblesë së Përgjithshme të organizatës së sigurisë Interpol, kryeministri në detyrë i Republikës së Kosovës, Ramush Haradinaj, ka kërkuar shtyrjen e votimit të Kosovës për anëtarësim në organizatën ndërkombëtare të policisë për vitin e ardhshëm.
Në një njoftim të Zyrës së Kryeministrit, thuhet se kjo ka ardhur si rezultat i rekomandimit të Ministrisë së Punëve të Jashtme.
“Kryeministri në detyrë i Republikës së Kosovës, Ramush Haradinaj, duke marrë parasysh rrethanat e krijuara, bazuar në kompetencat e tij si kryeministër në detyrë dhe nga rekomandimi i Ministrisë së Punëve të Jashtme, sot ka kërkuar shtyrjen e votimit të Kosovës për anëtarësim në INTERPOL për vitin e ardhshëm”, thuhet në komunikatë.