“6 tetori do të jetë data e fillimit të ardhmërisë”, tha kreu i VV-së, Albin Kurti në intervistën për “Tempora”.
Kurti u shpreh i bindur se me qeverisjen e tyre do të ketë një kulturë të re të pushtetit.
Pjesë nga intervista:
Ajri i pranverës, ashtu sikurse premtuat ju që do të fillonte me Kosovën është ndjerë. Vazhdoni të jeni i të njëjtit mendim?
Albin Kurti: Padyshim. Shqiptarët në Ballkan i kanë mundësitë shumë më të mëdha dhe gjendjen shumë më të keqe, sesa e meritojnë dhe ju takon. Fitorja jonë me 6 tetor e ka vulosur këtë datë, si datë të fillimit të ardhmërisë. Unë jam i bindur që me qeverisjen tonë do të kemi një kulturë të re të pushtetit, ku qeverisja është shërbim dhe shteti është Republikë.
