Ambasada e Britanisë së Madhe në Kosovë ka dalë me një deklaratë pas reagimit rreth një fotografie të presidentit serb, Aleksandar Vuçiq.
Presidenti serb kishte reaguar për një fotografi në të cilën shihen ambasadori britanik në Kosovë, Nicholas Abbott, bashkë me liderin e Lëvizjes Vetëvendosje, Albin Kurti.
Ajo çfarë e kishte penguar presidentin serb kishte qenë flamuri shqiptar në prapavijë.
“Pyetje për ambasadorin e Britanisë së Madhe:
Në cilat zgjedhje dhe shtet ka fituar Kurti dhe partia e tij, dhe flamuri i cilit shtet është ai pranë të cilit Ekselenca juaj jeni fotografuar me Kurtin? Do të vazhdojë t’iu pyes derisa të marrë përgjigje”, ka shkruar në Twitter presidenti serb.
A recent photo of the Ambassador meeting one of the political leaders in Kosovo has attracted attention regionally. It is the Embassy’s job to engage with leading political actors in Kosovo. We did not choose how our interlocutor, acting in a party capacity, arranged his rooms.
— UK in Kosovo ?? (@UKinKosovo) October 16, 2019
Dhe lidhur me këtë, Ambasada e Britanisë së Madhe është përgjigjur: “Një foto e Ambasadorit në takim me një nga udhëheqësit politik në Kosovë ka marrë vëmendje në rajon. Është punë e ambasadës që të punojë me akterë udhëheqës politik në Kosovë. Ne nuk kemi zgjedhur se si bashkëbiseduesi ynë, në kapacitetin e tij partiak, ka rregulluar dhomën”.
