Sot kryetarja e KQZ-së, Valdete Daka ka vendosur që për shkak të manipulimeve të ndryshme nga komisionerë të subjekteve politike e në bazë të të dhënave të auditimit të publikuar nga QNR-ja në 530 vendvotime të rinumërohen votat.
Zëdhënësi i KQZ-së, Valmir Elezi ka njoftuar se sot në ora 16:00 do të fillojë rinumërimi i 530 vendvotimeve për të cilat u vendos sot.
“Rinumërimi i 530 vendvotimeve, për të cilat vendosi KQZ-ja, do të fillojë sot (e enjte, 17 tetor) në orën 16:00”, ka njoftuar Elezi.
E pas këtij rinumërimi pritet që Marigona Gecit t’i shtohen 2-3 mijë vota.
Kështu ka thënë Gani Geci përmes një postimi ën Facebook.
“Nga ky rinumërim i cili është vendos nga KQZ-ja, Marigona Gecit pritet që ti shtohen 2000-3000 vota”, ka shkruar Geci.
Ndryshe, Marigona Geci ka dalë më e votuara prej grave në LDK pas Vjosa Osmanit, por edhe prej listave të partive të tjera.