Rusia i reagon Borellit për deklaratën rreth Kosovës

Aktuale

Rusia i reagon Borellit për deklaratën rreth Kosovës

Më: 17 tetor 2019 Në ora: 17:16
Maria Zaharova

Zëdhënësja e Ministrisë së Punëve të Jashtme të Rusisë, Maria Zaharova, në një konferencë të përjavshme për media ka folur rreth deklaratës së Ministrit të Jashtëm të Spanjës, Josep Borell, se Republika e Kosovës nuk do të jetë shtet derisa nuk e njohin Kina, India dhe Rusia.

Ajo ka thënë se nuk pajtohet me Borell, pasi Rusia konsideron se “Kosova ka dështuar të jetë një shtet”, dhe se “akti i shpalljes së pavarësisë së Kosovës është në kundërshtim me të gjitha rezolutat e Këshillit të Sigurimit’. Sipas saj Kosova nuk do të mund të jetë një shtet.

“Unë nuk pajtohem me të pasi që Kosova nuk është një shtet”, ka thënë Zaharova, shkruajnë mediat serbe.

Ajo tutje ka thënë se qëndrimi i Rusisë karshi Kosovës është i pandryshueshëm, duke shtuar se akti i shpalljes së pavarësisë është bërë në kundërshtim me ligjin ndërkombëtar dhe “ ka  shkelur integritetin territorial të Serbisë”.

 Ajo ka thënë se përveç shkelje së ligjit ndërkombëtar, edhe në aspektin e realitetit politik, Kosova është një shtet i dështuar.

commentFirst article
Sot mund të lexoni Shfletoni kopertinat