Në zgjedhjet e jashtëzakonshme parlamentare që u mbajtën në Kosovë, lideri i Lëvizjes Vetëvendosje, Albin Kurti ka thyer rekord me vota.
Sipas burimeve të gazetës “Bota sot”, Kurti në këto zgjedhje ka marrë rreth 185 mijë vota, apo 20 mijë më shumë sesa kandidatja e LDK-së për kryeministre Vjosa Osmani.
Osmani në këto zgjedhje ka marrë rreth 165 mijë vota.
Nga rezultatet preliminare në Kosovë, Lëvizja Vetëvendosje ka marrë 203 mijë vota, kurse LDK-ja 197 mijë vota.
Këto shifra janë pa votat e diasporës, por edhe pa ndryshime të cilat tash po bëhen me rinumërimin e votave.
