Kurti: Në vitet e 90-ta rektori Statovci ia ka ruajtur autonominë Universitetit të Prishtinës

Aktuale

Kurti: Në vitet e 90-ta rektori Statovci ia ka ruajtur autonominë Universitetit të Prishtinës

Nga: A.SH Më: 19 tetor 2019 Në ora: 21:28
Albin Kurti

Kryetari i Vetëvendosjes Albin Kurti ka bërë homazhe te varri i ish-rektorit I Universitetit të Prishtinës, Dr.Ejup Berisha.

Ai përmes një postimi në facebook, ka vlerësuar lartë figurën e tij duke thënë se, në vitet e ’90-ta Rektori Statovci ia ka ruajtur autonominë Universitetit të Prishtinës, si Universitet i Republikës së Kosovës, por, gjithashtu, edhe ia ka mirëmbajtur cilësinë shkencore, profesionale e kulturore fakulteteve dhe administratës.

Postimi i plotë:

Sot u mbushën 20 vjet pa Rektorin e Universitetit të Prishtinës, Prof. Dr. Ejup Statovcin. Te varri i tij bëmë homazhe dhe vendosëm lule të freskëta. Ai ka lënë një zbrazëti të madhe si në botën tonë akademike dhe mësimdhënien universitare, po ashtu edhe në skenën politike institucionale e në moralin publik intelektual.

Në vitet e ’90-ta Rektori Statovci ia ka ruajtur autonominë Universitetit të Prishtinës, si Universitet i Republikës së Kosovës, por, gjithashtu, edhe ia ka mirëmbajtur cilësinë shkencore, profesionale e kulturore fakulteteve dhe administratës. Ishte në ballë të universitetit më 1991 kur duhej rifilluar ai pas dëbimit nga objektet tona zyrtare, dhe, në ballë të protestave më 1997 kur duhej mbrojtur universiteti dhe studentët.

Roli dhe rëndësia e Prof. Ejupit në historinë më të re të Kosovës vazhdojnë të ngelen të pastudiuara mjaftueshëm dhe të pavlerësuara sa duhet.

commentFirst article
Sot mund të lexoni Shfletoni kopertinat