Zëvendësministri në detyrë në Ministrinë e Mbrojtjes, Burim Ramadani ka dënuar rastin për ndalimin ndaj dy pjesëtarëve serb të FSK-së duke e quajtur logjikë krejtësisht jonormale.
“Serbia vazhdon presionin ndaj pjesëtarëve serb të FSK-së. E vetmja gjë që dëshmohet është që asgjë nuk ka ndryshuar, është i njëjti mentalitet”, ka shkruar Ramadani.
Postimi në Facebook:
Serbia vazhdon presionin ndaj pjesëtarëve serb të FSK-së, në një logjikë krejtësisht jonormale, jonjerëzore dhe jokonstruktive. Duke i ndalur me orë të tëra dhe liruar më pas, ky presion është krejtësisht pa kuptim.
Nuk ka asnjë qëllim që mund të arrihet përmes këtyre veprimeve. E vetmja gjë që dëshmohet është që asgjë nuk ka ndryshuar, është i njëjti mentalitet.
Serbia po dëmton serbët e Kosovës. Sepse, Kosovën nuk mund ta ndalë si të tillë, por vetëm maltreton serbët e këtushëm.
Partnerët ndërkombëtarë nuk duhet të heshtin.