OVL-UÇK-ja nuk i përjashton protestat - Bota Sot
OVL-UÇK-ja nuk i përjashton protestat

Aktuale

OVL-UÇK-ja nuk i përjashton protestat

Më: 23 tetor 2019 Në ora: 08:15
Foto ilustrim

Kryetari i Organizatës së Veteranëve të Luftës së Ushtrisë Çlirimtare të Kosovës (OVLUÇK), Hysni Gucati, nuk e ka përjashtuar mundësinë e organizmit të protestave për shkak të numrit të madh të ftesave të Gjykatës Speciale për ish-ushtarët dhe eprorët e UÇK-së.

Në këtë intervistë dhënë për gazetën “Epoka e re”, ai ka bërë me dije se për këtë çështje shumë shpejt do t’i mbledhin kryesinë dhe këshillin drejtues të OVLUÇK-së.

“Ne nuk e përjashtojmë mundësinë e protestave, por për këtë çështje vendimin do ta marrin kryesia dhe këshilli drejtues i OVLUÇK-së”, ka thënë Gucati.

Ai ka treguar se vetëm në javën e fundit mbi 40 ish-pjesëtarë të UÇK-së kanë marrë ftesa për intervistim.

Gucati ka paralajmëruar se në ditët e ardhshme mund të ketë edhe disa arrestime.

Shfaq komentet
comments powered by Disqus
Sot mund të lexoni Shfletoni kopertinat