Kryetari i veteranëve: Tre persona – nga Llapi, Prizreni dhe Prishtina – janë ftuar si të dyshuar nga Gjykata Speciale

Aktuale

Kryetari i veteranëve: Tre persona – nga Llapi, Prizreni dhe Prishtina – janë ftuar si të dyshuar nga Gjykata Speciale

Më: 23 tetor 2019 Në ora: 23:20
Hysni Gucati

Kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka treguar se tre ish-pjesëtarë të UÇK’së janë ftuar në cilësinë e të dyshuarve nga Gjykata Speciale.

Gucati ka thënë se nuk mund t’i bëjë pubike emrat e këtyre tre personave. Por, ai ka treguar se njërit prej tyre i është dërguar ftesa jashtë shtëpisë.

‘’Një është në Llap, epror i lartë. Atë e kanë ftuar në kafe, e thirrë dhe ju thotë që unë jam në FSK, nëse ma çon ftesën te shtëpia ose në zyre”, ka treguar Gucati në Rtv Dukagjini.

“Kur ia kanë çuar në zyre, i kanë thënë paketoji teshat dhe merri me vete. Është absurditet i madh. E thirr në kafe, sokaqeve ose ia con ftesën në Viber, Facebook. As ftesën nuk ta cojnë tek shtëpia. Boll ka qenë e keqe gjykata serbe, por ftesën ta çojnë në shtëpi me letër”, është shprehur ai.

“Rasti tjetër është në Prizren, i dyshuar, i treti i Prishtinës. Ruhet privatësia’’, ka thënë Gucati.

commentFirst article
Sot mund të lexoni Shfletoni kopertinat