Pas vdekjes së Astrit Deharit, Lëvizja Vetëvendosje ishte gjithmonë e më e ashpër ndaj PDK-së dhe Ministres së Drejtësisë së asaj kohe, Dhurata Hoxhës.
Në interpelancës e thirrur asaj kohe, rreth vdekjes së aktivistit të VV-së, Astrit Deharit, kishin ndodhur shumë ngjarje të papritura, akuza, tensione e gati edhe përleshje fizike, shkruan gazeta “Bota sot”.
Gjithçka nisi ministrja Dhurata Hoxha që në atë kohë udhëhiqte dikasterin e Drejtësisë, e që akuzohet si përgjegjëse për vdekjen e Astrit Deharit në burg.
Në fjalimin e saj akuzoi Vetëvendosjen se vetë ata e kanë çuar në ‘vetëvrasje’ Deharin, madje ua përmendi edhe Rusinë.
Në anën tjetër, Lëvizja Vetëvendosje kërkonte shkarkimin e saj.
Por teksa deputetët debatonin, Hoxha është kapur në pozita aspak të lakmueshme. Shihet se është përballur me një stres të lartë, aq sa i kafshonte edhe thonjtë e pastaj i hidhte në tokë.
Mimikat e fytyrës së saj tregojnë se ministrja donte të ‘shpërthente’ në ato momente.
Kujtojmë që po në atë seancë, deputetët e VV-së nuk e lejuan të fliste ministren, kështu duke brohoritur e goditur tavolinat para vetes.
