Thaçi e përshëndet Dodikun, Vuçiq i thotë “mos u bëj sikur nuk di serbisht”

Aktuale

Thaçi e përshëndet Dodikun, Vuçiq i thotë “mos u bëj sikur nuk di serbisht”

Më: 30 tetor 2019 Në ora: 06:29
Vuçiq dhe Thaçi

Gjatë orëve të mbrëmjes së sotme, në Bruksel, përfaqësuesja e lartë e BE-së, Federica Mogherini, ka takuar liderët e vendeve të Ballkanit, përveç kryeministrit të Shqipërisë, Edi Rama.

Në bazë të video-pamjeve të publikuara nga presidenca malazeze gjatë takimit, shihet se liderët takojnë njëri-tjetrin duke u përshëndetur me shtrëngime duarsh.

Në këtë rast, presidenti Hashim Thaçi i shtrëngon dorën edhe kryetarit të Republikës Serbe të Bosnjës, Millorad Dodik, të cilin më parë gjatë një rasti e kishte injoruar.

E në ndërkohë, teksa Mogherini përshëndet të pranishmit, kur i afrohet Thaçit të cilin e përqafon dhe e puth në faqe, dëgjohet presidenti i Serbisë, Aleksandar Vuçiq të thotë: “Hashim, Federica më së shumti ka dëshirë të puthet me ty”, kurse Thaçi nuk dëgjohet ta komentojë atë në këtë rast, por Vuçiqi vazhdon: “Shikoni se si bëhet sikur nuk merr vesh serbisht, por di shumë mirë”.

Pas kësaj deklarate të Vuçiqit, Thaçi dëgjohet tek qesh.

commentFirst article
Sot mund të lexoni Shfletoni kopertinat