Hoti: Zhvendosja e Presidencës në MKRS rrit shpenzimet për qindra-mijëra euro

Aktuale

Hoti: Zhvendosja e Presidencës në MKRS rrit shpenzimet për qindra-mijëra euro

Më: 4 nëntor 2019 Në ora: 13:33
Avdullah Hoti

Zhvendosja e Presidencës në zyrat e Ministrisë së Kulturës, Rinisë dhe Sportit dhe Ministrisë së Bujqësisë, pa u bërë zgjidhje për vendosjen e qindra punëtorëve të këtyre dy ministrive në një objekt publik ku nuk paguhet qira, nënkupton rritje të shpenzimeve qeveritare për qira.

Kështu ka deklaruar Avdullah Hoti nga Lidhja Demokratike e Kosovës nën jë postim në llogarinë e tij në Facebook.

Ai thotë se është e natyrshme që Presidenca të jetë e vendosur në një objekt më reprezentativ dhe më të përshtatshëm, siç është objekti i Ministrisë së Kulturës, Rinisë dhe Sportit dhe Ministrisë së Bujqësisë.

“Por, kjo duhet të ndodhë krahas ndërtimit të objektit ose gjetjes të zgjidhjes për akomodim të dy ministrive. Përndryshe, do të rriten shpenzimet për qira për qindra mijëra euro në vit, të cilat edhe tash janë të larta. Nuk mund të rritet komoditeti i zyrtarëve publik në kurriz të shpenzimeve publike, me gjithë respektin për institucionin më të lartë të shtetit që është Presidenca”, shkruan Hoti.

commentFirst article
Sot mund të lexoni Shfletoni kopertinat