Gjykata dënon me nga 7 vite burg turqit e ekstraduar nga Kosova - Bota Sot
Gjykata dënon me nga 7 vite burg turqit e ekstraduar nga Kosova

Aktuale

Gjykata dënon me nga 7 vite burg turqit e ekstraduar nga Kosova

Më: 6 nëntor 2019 Në ora: 16:27
Osman Karakaya dhe Cihan Özkan

Gjykata turke ka dënuar me nga shtatë vite e gjashtë muaj burgim dy nga gjashtë pjesëtarët e organizatës FETO të sjellë në Turqi nga Kosova vitin e kaluar përmes një operacioni të Agjencisë Kombëtare Turke të Inteligjencës (MIT) në bashkëpunim me inteligjencën e Kosovës.

Në seancën e mbajtur në Gjykatën e 30-të të Krimeve të Rënda në Stamboll, Osman Karakaya dhe Cihan Özkan mohuan akuzat e ngritura ndaj tyre.

Trupi gjykues i liroi të pandehurit Karakaya dhe Özkan nga akuza “spiunazh ndërkombëtar”, por shpalli dënim me nga shtatë vite e gjashtë muaj për akuzën “pjesëmarrje në organizatë të armatosur terroriste”.

Në aktakuzën e përgatitur nga Prokuroria Republikane e Stambollit, gjashtë të dyshuarit, ndër të tjera, ngarkoheshin me akuzat “Drejtim i një organizate terroriste të armatosur” dhe “Spiunim ndërkombëtar” dhe për ta ishte kërkuar burgim nga 16 vite e gjashtë muaj deri në 28 vite.

Gjykata e Krimeve të Rënda e Stambollit kishte ndarë lëndën për Osman Karakaya dhe Cihan Özkan.

Kujtojmë se MIT në bashkëpunim aktiv me inteligjencën e Kosovës më 29 mars të vitit 2018 solli në Turqi gjashtë pjesëtarë të organizatës terroriste FETO.

Shfaq komentet
comments powered by Disqus
Sot mund të lexoni Shfletoni kopertinat