Fatmir Limaj i tregon formularët me gabime të KQZ-së, kërkon rinumërim - Bota Sot
Fatmir Limaj i tregon formularët me gabime të KQZ-së, kërkon rinumërim

Aktuale

Fatmir Limaj i tregon formularët me gabime të KQZ-së, kërkon rinumërim

Më: 6 nëntor 2019 Në ora: 22:05
Fatmir Limaj

Kryetari i Nismës, Fatmir Limaj, në emisionin Pressing në T7 ka treguar formularët me gabime të lëshuara nga KQZ për komisionerë.

“Ka kuptim me bë një pjesë, siç ka bë KQZ’ja sikur të kishin qenë dy formularë apo tre. Do ishte e mundur të themi se në këtë formularë ka gabime ndërsa për këtë jo. Por e vërteta është se ekziston vetëm një formularë”, tha tutje Limaj.

“E vetmja mënyrë për të eliminuar gabimet është rinumërimi”

“Njerëzit që janë përballur me këtë defekt, disa prej tyre kanë marrë guximin që të vizatojnë vetë katrorët në formularë. Kështu ata kanë ndërhyrë në procesin e zgjedhjeve”

Tutje ai jep shembuj të ngjashëm ku po të kishte ndodhur një gabim i tillë do kishte pasoja.

“Është e njëjtë si kur shkoni për patentë shofer dhe dikush thotë: A e di çka këtu po mungon një numër serik eja t’ia shtojmë vetë”, thotë Limaj.

“Ky është manipulim i dokumentit. Veç për këtë ndërhyrje KQZ është dashur të bëjë rinumërim. Nuk është punë e madhe për një javë mund të mblidhen komisionerët dhe të bëhet rinumërim i plotë”, tregon Limaj.

“Kjo do ishte zbardhje e procesit edhe për kandidatët për deputetë se po ka akuza për bartje të votave”.

Image
Image
Shfaq komentet
comments powered by Disqus
Sot mund të lexoni Shfletoni kopertinat