Nënkryetarja Vjosa Osmani e shoqëruar nga anëtari i Kryesisë, Besian Mustafa është takuar sot me Ambasadoren e Kroacisë në Kosovë, Danijela Barišić, përcjell Bota sot.
Përmes një komunikate për media, nga LDK kanë thënë se Ambasadorja Barišić uroi Osmanin për mbarëvajtjen e zgjedhjeve të 6 tetorit dhe shprehu gatishmërinë e Qeverisë së Kroacisë ta mbështesë Kosovën në proceset e ardhshme.
Ndërsa, Osmani, duke uruar Ambasadoren Barišić për mandatin e ri në Kosovë, uroi për vazhdimin dhe forcimin e marrëdhënieve bilaterale Kosovë-Kroaci. Njëkohësisht, dr. Osmani shprehu pritjet tona që Kroacia, e cila do të marr Presidencën e Këshillit të BE-së, do të përkrahë edhe më fuqishëm Kosovën në procesin tonë euro-integrues.
