Lajmi se Serbi ka paraqitur notën diplomatike ku shihet se Republika e Ganës ka tërhequr njohjen e pavarësisë së Kosovës, ka bërë të reagojë fuqishëm ish-ambasadorja Lama.
Ajo në shkrimin e saj ka reaguar ndaj shefit të diplomacisë së Kosovës, Behgjet Pacollit, duke thënë se nga ky i fundit nuk mund të pritet asgjë.
Sipas Lamës, Pacolli e ka rrënuar diplomacinë e Kosovës me padije, amatorizëm si dhe me interesa personale.
“Çfarë pritet tjetër kur ministria më e rëndësishme u drejtua nga një soji i tillë? Ky e rrënoi diplomacinë e Kosovës me padije, amatorizëm, interesa personale, pazarllëqe, degradim te stafit diplomatik, integrim të spiuneve të BIA-s në ministri, keqpërdorim të buxhetit, etj, etj”, shkruan Lama në Facebook.
