Sot Policia e Kosovës konfirmoi se një grua ishte gjetur pa shenja jete në lagjen Kalabria në Prishtinë. Kjo qëlloi të ishte – siç raportoi Koha – regjisorja e famshme kosovare, Arzana Kraja.
Por, kush ishte zonja Kraja?
Opinioni publik në fakt e njeh më shumë z.Mehmet Kraja, gazetarin e njohur që në mënyrë të përçudshme u bë jo më pak se kryetar i Akademisë së Shkencave dhe Arteve të Kosovës [AShAK].
Z.Kraja bëhet e ditur se është babai i zonjës Kraja. Policia e Kosovës në raportin e saj nuk bëri të ditur shkakun e vdekjes, por e trajtoi si të dyshimtë dhe informoi se e ndjera kishte pasur probleme të mëhershme shëndetësore.
Arzana Kraja la nam në kinematografinë kosovare. Ajo ishte regjistore e njërit prej filmave më të njohur të prodhuar në Kosovë që e titulloi “Fusha e Mëllenjave” [siç besohet se është edhe etimologjia e emrit Kosova nga serbishtja].
Po ashtu, Kraja ishte regjisore e shumë episodeve të serialit të famshëm “Kafeneja Jonë” që para disa vitesh kishte ndërprerë punën.
