Avokati i njohur Altin Goxhaj është helmuar në mënyrë të sofistikuar pak ditë më parë dhe për pasojë ka përfunduar në spital.
Ndërsa mësohet se gjendja shëndetësore e Altin Goxhaj është përkeqësuar.
Ky njoftim është bërë i ditur nga aktivisti i Shoqërisë Civile, Juxhin Cela.
Cela shprehet se mjekët e spitalit kanë ngritur duart lart dhe nuk kanë dhënë asnjë shpjegim mbi natyrën dhe shkaqet e virusit që ka shkatërruar trupin e avokatit të njohur.
Ai ka ngritur pikëpyetje të mëdha lidhur me rastin e rëndë, teksa pyet se kush ka interes që të helmohet avokati Goxhaj.
Ai pyet gjithashtu, se përse kjo ngjarje nuk ka marrë vëmendjen nga aktivistët e Bashkimit Evropian apo ambasadat Perëndimore në Tiranë.
Avokati Altin Goxhaj njihet për qëndrimet e tij të forta kundër filantropit të njohur Xhorxh Soros dhe organizatave të tij që operojnë në Shqipëri, një betejë të cilën e zhvillon prej disa vitesh. Gjithashtu Goxhaj ka denoncuar edhe disa skandale në media, si dhe lidhjet e Rames e Veliajt me oligarkët.
Ai njihet gjithashtu si një kritik i ashpër jo vetëm i qeverisë por edhe i opozitës së drejtuar nga Lulzim Basha. Goxhaj ndodhet i shtruar në spitalin infektiv prej datës 11 nëntor.
Ndërsa vet avokati Goxhaj ka shkruar se është helmuar në mënyrë të sofistifikuar.
“Më vjen keq së s'ju përgjigjem por jam i dërrmuar sps MË KANË HELMU NË MËNYRË TË SOFISTIKUAR dhe çdo mbrëmje se di ns do e gdhi të nesërmen sps po përkeqësohem!
Një foto me të Madhin Avni Delvina <3 në "Shtëpinë time të re" në Spitalin Infektiv, Kati 2, Ap.12”, shkruan avokati transmeton gazeta “Bota sot”.
Avokati nga Shqipëria, ishte kritik i ashpër ndaj atyre që e përkrahnin Sorosin dhe Baton Haxhiut.
Në një dokument të fondacionit Soros, e cila ka të bëjë me ndarjen e Kosovës e që është zbuluar nga avokati shqiptar Altin Goxhaj, është gjetur se aty kishte gisht, Baton Haxhiu dhe miku i ngushtë i Ivica Stanishiçit.
Avokati Altin Goxhaj, ka thënë se dokumenti është hartuar në vitin 2017 dhe mbi këtë dokument është përgatitur copëtimi i Kosovës.
Sipas tij, dokumenti është përgatitur nga Baton Haxhiu, të cilin e cilëson edhe si këshilltari i Ramës.
“Ja dokumenti me 450 faqe ne 2017 që përgatiti copëtimin e Kosovës që u përgatit nga Fondacioni Soros Kosovë (i këshilltarit të Edit dhe shoku i Fevzos: Baton Haxhiu) drejtohej nga Profesorë të njohur Grekë që përfaqësojnë sipas Qeverisë Greke “me të mirën e Greqisë”!!!”, shkruante Goxhaj në postimin e tij.
