Ish-Presidentja e Kosovës, Atifete Jahjaga ka takuar Kryeministrin e Luksemburgut Xavier Bettel.
Ajo përmes një postimi në Facebook, ka treguar se me Kryeministrin e Luksemburgut ka biseduar për agjenden evropiane të Kosovës dhe për procesin e liberalizimit të vizave.
“Kënaqësi të takohem me mikun tim, Kryeministrin e Luksemburgut Z. Xavier Bettel.
Pas një vizite të këndshme në Muzeun Mudam, vazhduam bashkëbisedimin për agjenden evropiane të Kosovës dhe për procesin e liberalizimit të vizave”, ka shkruar Jahjaga në Facebook.