Komuna e Drenasit në bashkëpunim me Komunën e Skenderajt, nën patronatin e presidentit të Republikës së Kosovës, Hashim Thaçi, të enjten më 28 Nëntor, do bëjnë zbulimin e shtatoreve të heronjve Shaban, Hamëz dhe Adem Jashari, bëhet e ditur përmes një komunikate për media.
“Vendosja e shtatoreve të heronjve Jashari do të bëhet në sheshin ‘Fehmi Lladrovci’ në Drenas, duke filluar nga ora 12:00, me ç’rast do të ketë edhe program artistik”, thuhet në komunikatë.
Po ashtu, për nder të festës së 28 Nëntorit dhe zbulimit të shtatoreve, do të mbahet seancë e përbashkët solemne e Komunës së Drenasit dhe Skenderajt.
