Këngëtarja me origjinë nga Kosova Rita Ora në reagimin e saj të dytë gjatë ditës në rrjetet sociale për tërmetin në Shqipëri, ka bërë thirrje për të ndihmuar të prekurit nga pasojat e kësaj fatkeqësie të madhe natyrore.
“Ky është një lajm i tmerrshëm dhe një ditë shkatërruese për ata në Shqipëri. 16 kanë vdekur deri më tani dhe mbi 600 të plagosur. Unë kam familje dhe miq në Shqipëri, kështu që për ditëlindjen time ftoj të gjithë të japin donacione për një apel krize! Lutjet e mia janë me ju Shqipëri”, shkruan Ora në Facebook.