Kandidati për deputet nga AAK-ja, Gani Dreshaj, e ka mirëpritur lajmin për mbyllja e dy institucioneve mikrofinanciare, Monego e Iute Credit.
Ai përmes një postimi në Facebook, ka shkruar se “BQK duhet të mirret edhe me "elefantët" dhe jo vetëm me "lepujt".
Postimi i plotë:
Lajm i mirë mbyllja e dy institucioneve mikrofinanciare, Monego e Iute Credit. Këto dy kompani ishin thjeshte fajde e legalizuar në Kosovë.
E them me bindje se kam qenë deputeti i vetëm që edhe në parlament kishte ngritur këtë shqetësim, por që kaloi në heshtje dhe pa përkrahjen e të tjerëve.
Por, BQK duhet të mirret edhe me "elefantët" dhe jo vetëm me "lepujt".
Duhet urgjentisht një hetim për bankat e mëdha në Kosovë të cilat kanë oferta poashtu në formë fajde dhe mashtrojnë me normat e interesit.
G.D
