Vjosa Osmani flet hapur për mundësinë që të jetë presidente e Kosovës

Aktuale

Vjosa Osmani flet hapur për mundësinë që të jetë presidente e Kosovës

Më: 6 dhjetor 2019 Në ora: 22:58
Vjosa Osmani

Nënkryetarja e LDK-së, Vjosa Osmani, e ka bërë të qartë se nuk ka asnjë emër brenda LDK-së, që është caktuar si kandidat për president të vendit.

Teksa ka folur për Blic Interview me Astrit Gashin, Osmani ka thënë se nëse arrihet marrëveshja me VV-në për çështjen e presidentit, atëherë secili brenda LDK-së, mund të jetë kandidat për këtë post.

“Të gjithë me i pyet a ke dëshirë që të bëhesh president, do të kishin dëshirë. Ne si LDK nuk kemi asnjë emër të përveçëm si kandidat për president. Nëse arrihet marrëveshja me VV-së, atëherë secili brenda LDK-së mund të jetë kandidat për president”, ka thënë Osmani.

E pyetur nga Astrit Gashi, se a mund të jetë ajo njëra ndër zërat për presidente, Osmani është përgjigjur se asnjëherë nuk ka luftuar për pozita personale.

“Kurrë s’kam luftuar për pozitë personale. Kohëve të fundit, pyetja më e shpeshtë që më është bërë, është se cili do të jetë posti i juaj i ardhshëm?. Unë iu kam thënë që do të jem aty ku do të mund të kontriboj më së shumti”, ka thënë Osmani.

commentFirst article
Sot mund të lexoni Shfletoni kopertinat