Çështja e presidentit, vazhdon të mbetet “mollë sherri” mes dy partive fituese të zgjedhjeve të parakohshme të 6 tetorit.
Ndërsa, Ismet Kryeziu, drejtor ekzekutiv i Institutit Demokratik të Kosovës, ka publikuar një fotografi në rrjetin social Facebook, së bashku me nënkryetarin e LDK-së Lutfi Hazirin, derisa, për këtë të fundit ka shkruar se është presidenti i ardhshëm i Kosovës.
Kujtojmë se kjo pozitë është duke i mbajtur larg marrëveshjes VV-në dhe LDK-në, dy parti që ka kohë që po tentojnë që të formojnë së bashku qeverinë e ardhshme.
Vendosja e këtij kushti në tavolinë të diskutimit nga LDK-ja ka bërë që për disa ditë të pezullohen takimet.