Deri më tani nuk është caktuar takimi i rradhës ndërmjet Lëvizjes Vetëvendosje dhe Lidhjes Demokratike të Kosovës, për të arritur marrëveshjen rreth koalicionit qeverisës.
Këtë e ka konfirmuar, zëdhënësi i Lëvizjes Vetëvendosje, Arlind Manxhuka.
“Nuk ka ndonjë gjë të caktuar ende”, ka thënë shkurt Manxhuka.
Gjatë kësaj jave, nënkryetarja e LDK-së, Vjosa Osmani kishte deklaruar se LDK është në pritje të ftesës nga Lëvizja Vetëvendosje për takimin e radhës që duhet mbajtur këto dy parti për arritjen e marrëveshjes për bashkëqeverisje.
Negociatat mes këtyre dy partive kanë ngecur që pas takimit të fundit mes Isa Mustafës dhe Albin Kurtit, që kishte përfunduar me mospajtimin e VV-së për kërkesën e LDK-së që ta ketë presidentin.
