Opinionisti dhe gazetari Idriz Morina, përmes një shkrimi në Facebook, për kryetarin e PDK-së, Kadri Veseli, ka thënë se ky i fundit ishte udhëtari i hijeve dhe errësirës, mbështetësi dhe ndihmësi kryesor në bashkëpunim për ekzekutimin e frymës rugoviane.
Morina deklaron se Kadri Veseli ishte dora e ‘djathtë’ e ‘gjarprit’ më kafshues i ardhmërisë së shqiptarëve.
Ai këto komente i bëri pasi gjatë ditës lideri i PDK-së është nisur për në Hagë, ku në cilësinë e dëshmitarit do të intervistohet nga Dhomat e Specializuara dhe Zyra e Prokurorit tё Specializuar tё Kosovёs, lidhur me luftën e Ushtrisë Çlirimtare të Kosovës.
“Paska udhëtu për në Hagë, udhëtari i hijeve dhe errësirës, mbështetësi dhe ndihmësi kryesor në bashkëpunim për ekzekutimin e frymës rugoviane, ‘neuroni’ i fshehjes së krimeve, linçimit të Rugovës dhe përpjekjeve për fshirjen e çdo gjëje rugoviane, jo vetëm në Kosovë, por edhe në LDK, dora e ‘djathtë’ e “gjarpërit’ më kafshues të ardhmërisë së shqiptarëve”, shkruan mes tjerash ai.
Ja shkrimi i tij:
Udhëtari i errësirës paska shku për Ditën e Gjykimit!
Paska udhëtu për në Hagë, udhëtari i hijeve dhe errësirës, mbështetësi dhe ndihmësi kryesor në bashkëpunim për ekzekutimin e frymës rugoviane, ‘neuroni’ i fshehjes së krimeve, linçimit të Rugovës dhe përpjekjeve për fshirjen e çdo gjëje rugoviane, jo vetëm në Kosovë, por edhe në LDK, dora e ‘djathtë’ e “gjarpërit’ më kafshues të ardhmërisë së shqiptarëve.
Dita e gjykimit po vjen!
Por, edhe ai, Kadri Veseli, shefi formal i SHIK-ut, e ka një shans, të dëshmojë një për një për krimet që kanë kryer ortakët e ndarjes së pasurisë së uzurpuar të Kosovës, të haraquar!
Ps. Për ata që po duan ta mbrojnë, ia kujtojmë se një shërbim inteligjent nuk punon që të dal një ditë e vërteta në shesh, por t’i parandalojë dhe zbulojë krimet, përfshirë vrasjet dhe dështimet politike në shtet, etj., etj.,....!
