Reagon Abazi ndaj LDK-së: Arrogancë që dërgon ujë në mullirin e Pronto-s

Aktuale

Reagon Abazi ndaj LDK-së: Arrogancë që dërgon ujë në mullirin e Pronto-s

Nga: G.B Më: 12 dhjetor 2019 Në ora: 12:14
Haki Abazi

Haki Abazi, deputeti i zgjedhur i Lëvizjes Vetëvendosje, ka thënë se duhet trajtuar me respekt dhe kujdes përpjekjen për të përcaktuar një standard të ri të arritjes së marrëveshjes për bashkëqeverisje, përcjell Bota sot.

Përmes një postimi në llogarinë e tij në Facebook, ai ka thënë se deklarimi më gjuhë arrogante dhe mungesa e modestisë është karakteristikë e atyre që e kanë dëmtuar rëndë interesin e qytetarit dhe të vendit.

Ai më tej ka thënë se arroganca e zyrtarit të LDK në media nuk paraqet as pikëpamjet e votuesit të LDK që ka votuar për ndryshimin e madh që duhet të ndodhë, rrjedhimisht kujdes nga pozicionet që zbehin besimin, dërgojnë ujë ne mullirin e PRONTO dhe ju rikujtojnë elektoratit formulat të cilat pas shenjë së barazimit kanë interesin individual dhe jo atë shtetërorë.

Postimi i tij i plotë në Facebook:

Duhet trajtuar më respekt e me kujdes përpjekja për të përcaktuar një standard të ri të arritjes se marrëveshjeve për bashkëqeverisje, sidomos kur kjo përpjekje dhe gadishmëri vije nga LVV si fituese e parë e votës se pavarur, të pakushtëzuar, të pafavorizuar, votës nga diaspora që nuk është e varur direkt nga benificionet e mundshme politike. Dmth vota për LVV është votë e idealit për shtetin dhe vizionin e jetës me dinjitet në Kosovë. Pesha e votës është e njejtë por pasërtia e mardhënies ndërmjet votës dhe subjektit politik është po aq e rëndësishme.

Deklarimi më gjuhë arrogante dhe mungesa e modestisë është karakteristikë e atyre që e kanë dëmtuar rëndë interesin e qytetarit dhe të vendit. Në atë proces LVV nuk ka participuar asnjëherë dhe në asnjë moment. Arroganca e zyrtarit të LDK në media nuk paraqet as pikpamjet e votuesit të LDK që ka votuar për ndryshimin e madh që duhet të ndodhë, rrjedhimisht kujdes nga pozicionet që zbehin besimin, dërgojnë ujë ne mullirin e PRONTO dhe ju rikujtojnë elektoratit formulat të cilat pas shenjë së barazimit kanë interesin individual dhe jo ate shtetrorë.

Asnjë gjë nuk është me rëndësishme në këtë fazë se sa përfundimi i procesit të determinuar nga vota qytetare dhe rezultati i pastër zgjedhor e që është formimi I qeverisë dhe konsolidimi i institucioneve që të kryejnë punët e mëdha që po na presin.

#qeveriaKurti nuk ka alternativë!

commentFirst article
Sot mund të lexoni Shfletoni kopertinat