Për më shumë se dy orë po vazhdon takimi mes kryetarit të Vetëvendosjes Albin Kurti dhe atij të LDK-së Isa Mustafa për të arritur një marrëveshje sa i përket formimit të koalicionit qeverisës.
Media nga burime të saj brenda dy partive merr vesh se Isa Mustafa ndodhet në takim së bashku me Vjosa Osmanin, Agim Veliun dhe Avdullah Hotin ndërsa nga VV-ja Albin Kurti, Kryetari i Kuvendit Glauk Konjufca dhe nënkryetari i kësaj partie Besnik Bislimi.
Pas mbledhjes së Kryesisë, kryetari i VV-së Albin Kurti ka shkuar në takim të shpejtë me kryetarin e LDK-së dhe ekipin e tij në ambientetet e Kuvendit të Kosovës.
Ditën e djeshme kryetari i VV-së Kurti ka patur një takim edhe me presidentin e vendit Hashim Thaçi ku nga ky i fundit mori një afat kohor prej 48 orësh për të sjellë emrin e mandatarit për Kryeministër.
