Deputeti i zgjedhur i Lëvizjes Vetëvendosje, Hekuran Murati ka thënë se Vetëvendosja nuk insiston në ministri e poste për të rehatuar emra të përveçëm.
Gjithashtu, ai ka shkruar në Facebook, se ka thënë se kjo u vërtetua me kabinetin e Albin Kurtit, dhe se ka treguar se nuk janë duke u nxituar të arrihet marrëveshja, pasi nuk duan një marrëveshje të keqe.
Postimi i plotë:
Ne nuk insistojmë në ministri e poste për të rehatuar emra të përveçëm.
Por për shkak të funksionit që ato poste bartin, e që janë kruciale drejt përmbushjes së obligimeve që kemi marrë karshi votuesve.
Se nuk e kemi për poste e pushtet, besoj u vërtetua me emrat e kabinetit Kurti.
Synimi ynë është që të krijojmë një qeveri e cila është funksionale dhe nxjerr vendin nga humnera.
Çdo ngutje dhe lëshim pe në këtë aspekt, e zhbën edhe vetë qëllimin e fitores së 6 tetorit.
E kuptoj se shumë prej jush e prisni me padurim krijimin e qeverisë së re. Të gjithë po e presim.
Por nuk duhet që dëshira e sinqertë për formim sa më të shpejtë të qeverisë të na nxitojë drejt një marrëveshjeje të keqe.
