Nënkryetari i Lidhjes Demokratike të Kosovës Lutfi Haziri, thotë se kreu i Lëvizjes Vetëvendosje Albin Kurti, është lideri i vetëm i cili ka ngritur partinë për 7 për qind.
Sipas Hazirit, Kurti këtë e ka bërë brenda një përiudhe të shkurtër kohore, duke rrëzuar të dhënat e të gjitha sondazheve zgjedhore që pohon t’i ketë organizuar LDK.
“Është i vetmi lideri i cili ka arritur të ngritë për 7 për qind më lartë se të gjitha sondazhet brenda katër javëve. Ka pasur humbje, por ai prap ka arritur ta ngritë rezultatin e partisë”, tha ai, duke shtuar tutje se “pa Albin Kurtin nuk do të kishte ekzistuar as Lëvizja Vetëvendosje.”
Duke u deklaruar për marrëveshjen për koalicion, Haziri, i cili është përfshirë direkt në negociata me drejtuesit e Lëvizjes Vetëvendosje, shprehet me dilema se mund të hyn në bashkëqeverisje.
Ai po ashtu mohoj se LDK ka kërkuar që të ketë numer më të madh të ministrive në qeverinë e re.
“Ne asnjëherë nuk kemi kërkuar më tepër as dje as sot dhe as nesër”, tha Haziri, duke shtuar se ndodhen në rrethana të reja dhe po i trajtojnë çështjet më ndryshe në tavolinën e diskutimit.
Ndryshe, gjatë fushatës elektorale Haziri i pati dhënë nofkën “Mister Bini” kreut të VV-së.