Arbër Zaimi, anëtar i Kryesisë së Lëvizjes Vetëvendosje, njëherësh këshilltar i kreut të partisë, Albin Kurti, ka folur për bisedimet mes VV’së dhe Lidhjes Demokratike të Kosovës, për arritjen e një marrëveshjeje për bashkëqeverisjen e vendit.
Zaimi ka thënë në emisionin “A Show”, në televizionin T7, se diskutimet mes partisë që doli e para dhe asaj që zuri vendin e dytë në zgjedhjet e parakohshme parlamentare të 6 tetorit 2019 kanë rezultuar “të ndërlikuara”.
Zaimi tërthorazi ka akuzuar LDK’në se bisedimet mes tyre për formim koalicioni qeverisës kanë zgjatur shumë për fajin e saj.
“Nëse Lëvizja Vetëvendosje do të kishte dalë e dyta, bisedimet do të ishin kryer shumë më shpejt”, është shprehur ai.