Ish-Presidentja e Kosovës, Atifete Jahjaga, ka pritur sot në takim ambasadorin norvegjez Jens Erik Grondahl.
Ajo uroi ambasadorin për një mission të suksesshëm në Kosovë, dhe tregoi se biseduan për fuqizimin e gruave dhe vajzave në vendin tonë.
"Kisha nderin që të mirëpres Ambasadorin Norvegjez Z. Jens Erik Grondahl në takim.
Ambasadorit i urova mirëseardhje dhe një mision të suksesshëm në Kosovë. Shfrytëzuam rastin që të diskutojmë për mundësi bashkëpunimi për fuqizimin e grave dhe vajzave, me fokus të veçantë në gratë dhe rininë e Kosovës", ka shkruar Jahjaga në Facebook.
