U raportua se Ministria e Financave kishte paralajmëruar kolaps buxhetor nëse nuk formohet qeveria.
Por, deputeti i zgjedhur i Lëvizjes Vetëvendosje, Hekuran Murati ka dhënë një lajm të mirë.
Sipas tij, një gjë e tillë nuk mund të ndodhë, përcjell Bota sot.
Ai përmes një shkrimi në Facebook ka thënë se Kuvendi i Kosovës tashmë është i konstituuar dhe e vetmja që ka mbetur është formimi i komisioneve parlamentare në mënyrë që Kuvendi të ketë funksionim të plotë.
Më poshtë mund ta shihni shkrimin e tij:
Kosova nuk do të ketë krizë buxhetore.
Kuvendi tashmë është konstituuar dhe krejt çka duhet është formimi i komisioneve parlamentare që të sigurohet funksionimi i plotë i institucionit.