Abazi, në “Debat Plus”, ka thënë se ka një pol në Kosovë që është Hashim Thaçi që po mundohet të gjej zbrazëtira mes LVV-së dhe LDK-së në mënyrë që të mbetet situata siç ishte para zgjedhjeve të 6 tetorit.
Ai ka thënë se mosarritja e marrëveshjes mes LVV dhe LDK do të ishte goditje për të dy subjektet politike.
“Jam shumë optimist që brenda LDK-së masa e njerëzve brenda organeve të partisë janë të interesuar që të shtyjnë para arritjen e marrëveshjes dhe largimin e çdo pengese për këtë koalicion”.
Abazi ka thënë se në këto 15 vite nuk ka sinonim më të madh se Vetëvendosje për ndryshim.
“Mendoj që shumica e votave edhe për LDK-në janë vota për ndryshimin e madh…Vetëvendosje është 100 për qind e interesuar për të ndërtuar koalicionin qeverisës”.
Ai ka thënë se edhe nëse negociohet gjashtë muaj të tjera marrëveshje ideale nuk të të ketë.
I nominuari për zëvendëskryeministër nga Vetëvendosje thotë se nëse nuk arrihet marrëveshja për koalicion, situata do të kthehet në pikën zero dhe për Kosovën mund të ketë shumë të panjohura.