Profesori Blerim Latifi është tallur me Lëvizjen Vetëvendosje dhe Lidhjen Demokratike të Kosovës, për negociatat për arritjen e koalicionit qeverisës.
Latifi ka krahasuar negociatat mes këtyre partive me serialin “Mahmutovitët e Rexhepovitët”, në të cilin dy familje kalojnë gjithë kohën herë duke e sharë, fyer e kërcënuar njëra tjetrën, e herë duke këmbyer mesazhe vëllazërie e bashkëjetese, përcjell Bota sot.
Postimi i Latifit në Facebook:
Menjëherë pas luftës ka pas qenë një serial televiziv në Kosovë i quajtur “Mahmutovitët e Rexhepovitët”, me kryeprotagonistë Xhevat Qenën, tanimë i ndjerë, dhe Adem Mikullovcin.
Dy familje e kalojnë gjithë kohën herë duke e sharë, fyer e kërcënuar njëra tjetrën, e herë duke këmbyer mesazhe vëllazërie e bashkëjetese.
Këto negociatat midis VV-së dhe LDK-së kanë filluar t’i ngjajnë këtij seriali, krejtësisht.
