Sot gjatë ditës, Lëvizja Vetëvendosje i ka dërguar letër Lidhjes Demokratike të Kosovës, përmes së cilës e ka refuzuar ofertën e partisë së Isa Mustafës.
Ndonëse ende nuk ka deklaratë zyrtare se a ka përfunduar gjithçka sa i përket koalicionit mes këtyre dy partive, deklaratat përmes rrjeteve sociale e konfirmojnë këtë.
Anëtari i kryesisë së LDK-së, Ismet Beqiri, ka shkruar se “Bashkëqeverisje e balancuar, as më shumë dhe as më pak”, duke i treguar haptazi Vetëvendosjes se kjo do të jetë ofertë e palëkundur.
