Vuçiqi pret “shkëmbim argumentesh” me Thaçin në Davos

Aktuale

Vuçiqi pret “shkëmbim argumentesh” me Thaçin në Davos

Më: 20 janar 2020 Në ora: 21:22
Vuciq dhe Thaçi

Presidenti i Kosovës, Hashim Thaçi, ka udhëtuar për në Zvicër, ku do të marrë pjesë në Forumin Botëror Ekonomik të Davosit.

Ai do të jetë në panelin “Dialogu Diplomatik për Ballkanin Perëndimor”, ndërkohë që janë paraparë edhe takime bilaterale edhe me liderë të ndryshëm shtetesh që po marrin pjesë në këtë forum.

Ndërkaq, presidenti serb, Aleksandar Vuçiq, ka deklaruar sot po nga Davosi se në sesionin e nesërm pret shkëmbim argumentesh me Thaçin gjë që, siç tha ai, “nuk do të jenë të thjeshta dhe të lehta”, por beson se do të mund të realizohet “në tone civilizuese”.

“Këtu jam për të zgjidhur probleme dhe të përfaqësoj qëndrimin e Serbisë në mënyrën më të mirë të mundshme, dhe sigurisht që jo gjithmonë do të jetë i njëjtë me pozitën e organeve të përkohshme në Prishtinë”, tha Vuçiqi.

Thaçi, në ndërkohë, do të jetë i pranishëm edhe në adresimin e Presidentit të Shteteve të Bashkuara të Amerikës, Donald Trump, drejtuar liderëve të të gjitha vendeve pjesëmarrëse.

commentFirst article
Sot mund të lexoni Shfletoni kopertinat